Husordensreglar

For internat/hybelbygg i Agder fylkeskommune

Føremål

Føremålet med husordensreglane er å bidra til godt samarbeid, trivsel, respekt og medansvar, og for eit godt lærings- og bu-miljø  for alle på hybel/internat. Reglementet skal fremje god orden og åtferd og gode arbeidsvaner, og slik leggje til rette for god læring.

Orden og åtferd

Leigetakar pliktar å:

• Samarbeide med alle leigetakarar for å skape eit godt, inkluderande og triveleg bu-miljø for alle.
• Følgje vanlege normer for god og omsynsfull oppførsel.
• Sette seg inn i branninstruksen og følgje denne.
• Delta aktivt i møter der leigetakarane i samarbeid finn gode forslag til positiv samhandling, aktivitetar, felles reglar osv.
• Sørge for reinhald av eige rom samt halde fellesareal reine etter reinhaldsplan.
• Gi utleigar eller utleigar sin representant tilgang til husrommet når utleigar har varsla tilsyn eller vedlikehaldsarbeid, i tråd med husleigelova § 5-6.

Påbod og forbod:

• Det skal vere stille og roleg i periodar:

• 16-18: tid til lekser og skulearbeid
• 23-07: sove-ro

• Det er ikkje anledning til å ha dyr i hybelbygg/internat
• Leigetakar skal gi melding om eventuelle overnattingsgjester innan rimeleg tid. Utleigar kan nekte leigetakar å ha overnattingsgjester dersom det er nødvendig av omsyn til forsvarleg bruk av husrommet eller av andre sikkerheitsmessige årsaker.
• Den enkelte leigetakar er ansvarleg for at gjestene overheld husordensreglane.
• Det er forbode å oppbevare våpen eller andre gjenstandar som kan påføre andre skade eller frykt.
• Det er forbode å bruke og omsette alkohol samt ulovlege rusmidlar på hybelbygg/internat.
• Det er forbode å oppbevare ulovlege rusmidlar på hybelbygg/internat.

Konsekvensar 

Brot på husordensreglementet kan føre til:

• Munnleg/skriftleg varsel frå vakt/internatleiar/skuleleiinga.
• Kontakt med heimen og involvering av foreldre/føresette dersom leigetakaren er under 18 år.
• Pålegg om oppgåver for å rette opp skade som er utført på hybelbygget/internatet sin eigedom eller eigedelar.
• Erstatningsansvar.
• Melding til politiet om antatt straffbare forhold.
• Oppseiing av leigeforholdet, jf. Husleigelova §9-5.
• Heving av leigeforholdet, jf. husleigelova §9-9.

Reinhaldsplan

Elevar som bur ved Elevheimen har ved signering av husleigekontrakta forplikta seg til å halde eigne rom og fellesareal reine og ryddige etter reinhaldsplan.

Alle elevar er plikta til å vaske, rydde og fjerne søppel på sitt eige rom ein gong i veka. Inspeksjon av private rom blir varsla minst 14 dagar i førevegen.

På kvart kjøkken blir det hengt opp liste med fordeling av kjøkkenvakter. Kjøkkenvakta roterer dagleg, slik at ein elev har vakt kvar dag, med ansvar for å halde kjøkkenet reint og ryddig, samt ta ut søppel ved behov.

Dei tilsette vil jamleg sjekke at:

• Uteareal og fellesareal inne er fri for søppel
• Fellesareal er ryddige
• Kjøleskåp og komfyr er reine innvendig og utvendig
• Kle er tatt ut av vaskemaskin/tørketrommel. Våte kle skal ikkje ligge i maskina eller i balje over tid.

Før alle feriar (inkludert før sommarferie ved utflytting) må elevane stille opp på felles nedvask av kjøkkenet i sin fløy. Dette blir etterfølgt av pizzakveld i fellesskap.

Ved utflytting av Elevheimen er eleven plikta til å vaske ned hybelen sin:

• Vaske tak, veggar og lister på rommet
• Vaske ut av skåp og skuffer
• Pusse vindauga

På gitte utflyttingsdatoar ved skuleslutt vil personalet vere til stade og inspisere romma for å sjekke at reinhald er tilfredsstillande utført og gå over inventarliste. Dersom ein finn manglar vil dette medføre trekk i depositumet.

ORDENSREGLAR FOR VALLE HYBELBYGG

ADMINISTRASJON

Valle kommune er eigar av Valle hybelbyggDet er Valle kommune v/teknisk avdeling som er ansvarleg for drifta.

Valle Hybelbygg er eit hybelbygg for elevar ved Setesdal vidaregående skule avd. Valle.Det kan leigast ut rom til andre enn elevar ved skulen, men det skal då lagast særskilte leigekontraktar.Ordensreglane gjeld for alle som bur på Valle HybelbyggElevane kan ikkje låne vekk romma sine til andre.Om dei som bur på Valle Hybelbygg sluttar på skulen, har dei ikkje rett til å bli buande på hybelbygget.

OPPFØRSEL

Alle som bur på hybelbygget må vere høflege og omsynsfulle mot kvarandre og alle som dei får med å gjere. Dei må legge vinn på fin og sømmelig oppførsel både i og utanfor hybelbygget.

ROM OG UTSTYR

Alle som bur på hybelbygget må vere varsam både med rommet sitt og alt som høyrer til hybelbygget. Dersom noko vert øydelagt, uansett om det av slitasje, uhell eller andre ting, skal den som oppdagar det melde frå til utleigar/tilsynsvakt. Hærverk er ei alvorleg disiplinærsak.Skriving og skraping på inventar, veggar m.m. er forbode. Spiker og krokar må ein ikkje feste i vegg/tak utan spesiell løyve. Det er heller ikkje lov å klistre opp eller på annan måte feste utklipp/bilder m.m. utan at det blir gjort på ein måte som er godkjent av utleigar/tilsynsvakt.

Det er forbode å flytte fast inventar (t.d. seng, skrivebord) og det er også forbode å fjerne møblar, hyller eller anna inventar frå hybel/fellesareal. I dei tilfelle der tap, skader m.m. skuldast anna enn vanleg slitasje er den skuldige erstatningspliktig.

Utleigar eller dei som opptrer på vegne av utleigar, har rett til å inspisere hyblar og fellesareal. Er det vanleg tilsyn skal bebuaren varslast og har rett til å vere tilstades.Ved akutte tilfeller (vasslekasje, feil på teknisk anlegg og tilfeller som har med sikkerheiten til bygget), kan utleigar ta seg inn på dei enkelte hyblane utan at bebuarane blir varsla på førehand.

VASKING OG RYDDING

Den enkelte bebuar har ansvar for vasking/rydding av eigen hybel.Valle kommeune har ansvar for vask av fellesareal.Alle har plikt til å halde fellesareala i orden til ei kvar tid.Kvar avdeling/etasje har ein ansvarleg for å sjå det er klart for vask og kjøkkenbenk er rydda, oppvaskmaskin er tømt kvar dag. Dette ansvaret vert greitt fordelt og går på rundgang Alle har plikt til å rydde opp etter seg – dette gjeld også rydding/vask etter matlaging og plassering av brukt utstyr i oppvaskmaskinen.Desse romma skal haldast i orden til ei kvar tid.

RO OG ORDEN

Det skal vere ro på hybelbygget frå kl. 23.00 på kvardagar og kl. 24.00 i helger

GJESTER

Bebuarar som tek imot gjester utanfrå på rommet sitt eller i fellesrom, er ansvarleg for oppførselen til gjestene.Gjester har ikkje tilgang til hybelbygget etter kl. 23.00 (24.00)Overnatting skal avtalast på førehand med teknisk vakt.

RUSMIDDEL

Det er ikkje tillete å oppbevare/bruke/nyte rusmiddel eller vere synleg berusa på hybelbygget.Ved mistanke om regelbrot ved oppbevaring/bruk av narkotiske rusmiddel kan ein be politiet om å innføre ekstraordinære tiltak/kontroll/ransaking o.l.

SKYTEVÅPEN

Det er ikkje tillete å oppbevare skytevåpen, ammunisjon eller anna sprengstoff på hybelbygget utan evt. etter særskilt løyve og godkjenning av utleigar. Det er ein føresetnad at evt. slik oppbevaring vert gjort i samsvar med gjeldane lover og føresegner (våpenskap)

RØYKEFORBOD

Det er av sikkerheitsmessige grunnar ikkje tillete å røyke inne på hybelbygget. Røyking kan skje på anvist plass utanfor bygget.

UTFLYTTING

Ved utflytting skal hybel vere grundig vaska ned og vere inspisert av utleigar. Depositum vert utbetalt når hybelen er godkjent. Evt. manglande nedvask, skade på inventar m.m. vert trekt av depositum.

ANDRE REGLAR

Det er ikkje tillete å ha dyr på hybelbyggetBruk av open varme som stearinljos o.l. er ikkje tilleteBruk av røykelse o.l. er ikkje tilleteTap av nøkkel må erstattast med kr. 500,-Den enkelte bebuar er sjølv ansvarleg for å teikne nødvendig innboforsikring.

BROT PÅ ORDENSREGLANE

Reaksjon på brot på ordensreglane vert avgjort av utleigar i samarbeid med tilsynsvakt. Disiplinærtiltak kan vere påtale/advarsel eller bortvising frå Hybelbygget for eit tidsrom eller bortvising for godt.

Generelle reglar:

1. gongs brot på ordensreglane – påtale/advarsel

2. gongs brot på ordensreglane – påtale/advarsel, evt.bortvising 1 veke

3. gongs brot på ordensreglane – bortvising for godt/resten av åre